វិធីចិញ្ចឹមកូនឲ្យក្លាយជាក្មេងល្អ

វិធិចិញ្ចឹមកូនឲ្យក្លាយជាក្មេងល្អនិង ឆ្លាតវ័យ មិនមែនជារឿងពិបាកសម្រាប់ ឪពុកម្តាយឡើយ។ ក្រៅពីផ្តល់នូវសេចក្តីស្រលាញ់ និងភាពកក់ក្តៅដល់កូន អ្នកអាចប្រើតិចនិកបីល្អដូចខាងក្រោមនេះ ៖

១-សុខភាព: ការចិញ្ចឹមកូនឲ្យមានសុខភាពល្អ ចាប់ផ្តើមដោយការបណ្តុះនិស្ស័យដែលល្អដល់កូនៗ មិនថាជារឿងទទួលទានអាហារឲ្យគ្រប់៥ក្រុម បរិភោគអាហារដែលមានប្រយោជន៍ មិនញាំនំផ្អែម ឬទឹកក្រូចមានជាតិហ្គាសច្រើនពេក ជាពិសេសគួរបង្វឹកកូនឲ្យស្រលាញ់ការហាត់ប្រាណ។
២-ខួរក្បាលល្អ: អភិវឌ្ឍន៍កូនឲ្យមានគំនិតឆ្នៃប្រឌិត ហ៊ានគិត ហ៊ានសម្តែងចេញ និងយល់ដឹងពីវិធីដោះស្រាយបញ្ហាចំពោះមុខបានល្អ ដោយឆ្លងកាត់សកម្មភាពផ្សេងៗ ការគូររូប លាបពណ៌ ការលេងតន្ត្រី ឬការនាំកូនទៅដើរកម្សាន្តទីកន្លែងផ្សេងៗជាដើម ដើម្បីឲ្យកូនបានឃើញនូវអ្វីថ្មីប្លែក និងមានបទពិសោធន៍ជីវិតដ៏ល្អ និងសម្បូរបែប។
៣-ចិត្តល្អ: ឲ្យកូនមានចិត្តគំនិតល្អ បង្រៀនឲ្យកូនមានគុណធម៌ មេត្តាករុណា ស្មោះត្រង់ មានភាពកត្តញ្ញូតាធម៌ និងគិតពីប្រយោជន៍រួម ហើយមិនយកភាពឆ្លាតវ័យ និងជំនាញដែលខ្លួនមាន ទៅប្រើក្នុងផ្លូវដែលខុសឡើយ៕